Notisia Rapido Nieuws: Dinsdag 25 November 2014
Notisia Rapido: nieuws uit Curaçao, Aruba, Sint Maarten, Nederland en internationaal nieuws en sport
 
Home Lokal      Nederland Polisial Politika Husticia Deporte Farandula Extra

Rubrieken
• Lokal (3192)
• Aruba (1478)
• Ulanda (2438)

Overzicht
 
visits

LOTO
W.N.K.
30/07/2014:
1
0361
2
1680
3
0279

SMART
30/07/2014:
1
95325
2
87022
3
50766

andere winnende nummers
>> click <<

Reclame


Resumen Notisianan polisial 2011

Mon 02 Jan 2012

Pa loke ta trata luna di januari , korsou a konose varios kaso di atrako . Atrako riba trahadornan ku ta move i hiba bestelling di produktonan i artikulonan na diferente mini- of super marketnan.

Prome kaso di asesinato

Tambe nos a konose nos prome kaso di asesinato i esaki ta dia 16 di januari ora ku polis a bai na Zaanjessteeg i a bin topa ku un homber benta den su Kia Rio i no ta duna senjal mas di bida. Tasina ku deskonosinan a basha bala dilanti i patras di e outo ya ku e bin topa basta perforashon di bala na kurpa di e outo den kual e viktima a sigi kore i dal den un kas na final di zaantjessteeg. E viktima a muri na e sitio mes

Varios kaso di tiramentu ku personan herida

Na Daimari weg pleitu entre famia i un persona a risibi bala. Na  Cas Coraweg un homber sinta den outo a risibi bala na kara.

Kasonan di atrako espektakular na joyeria na den area di Hotel Renansaince.

Ta trata di 2 tipo riba skuter ku a drenta ku shotgun i a menasa tur hende i bai ku varios oloshi karu.

Prome morto den trafiko

Korsou ta sera konosi den januari ku e prome morto den trafiko, e viktima di dia 16 di januari ku a aksidente na altura di Gato a bin fayese na Colombia debi na e slanan i heridanan ku ela risibi.

Atrako, violashon i detenshon

Den  e luna di januari tambe atrako brutal riba un pareha hoben kaminda 2 tipo a menasa nan i hiba nan bai pin na banko i despues matrata i a viola e damita aki. Esey a sosode dia 23 di januari.

A detene nan durante entrada hudisial dia 29 di januari den Dominguito i Koraal specht. Ta trata aki di un jamaikino i yu di Korsou

Di Dos morto den trafiko

Korsou ta konose na final di januari su di dos morto den trafiko ora ku na altura di EEG weg dos outo a dal i un hoben a bin fayese. ta trata di e hoben Yimayel.

 

Luna di Februari

Kaso di bashamentu di bala a bira masha normal den e bario di Koraal Specht . Ta trata aki di un problema entre dos gang. Na kaya Kitrin a bin topa kui varios huls. Algun dia despues a bin tuma luga otro tiramentu den e bario

Di tres morto den trafiko

Korsou ta konose su di tres morto den trafiko dia 10 di februari. Esaki a sosode riba santa Rosaweg. E viktima a resulta di ta Miro Esposa. Outo a alkanse.

Varios kaso di atrako

Ta tin varios kaso di atrako ku persona herida . Na truk di pan riba rooseveltweg nan a tira homber sinta den su outo

Dia 27 di februari ta tin un kaso di tiramentu na Seru Fortuna kaminda un damita di 15 anja a risibi herida di bala

 

LUNA DI MAART

Hombernan a sekuestra un colombiano i ta pidi un suma di reskate di 100 mil florin of 10 kilo di kokaina.

Korsou ta konose otro viktima den trafiko,  ora ku un dama ku ta den hospital debi na un aksidente ku ela pasa aden dia 26 di februari a bin fayese den hospital. Ta trata aki di Rosalna Paulina Martina.

Dia 6 di mart un homber a keda herida  den kaya Janchi Boskaljon, Brievengat.

Dia 8 di maart,  atrakadornan a tira e homber Janus Rojer mata di 58 anja di edat.

Dia 20 di maart ta tin bashamentu di bala den Petroleumweg den Goede Hoop kaminda viktima a risibi herida di bala.

Ta tin na fin di luna di maart un kaso di sekuestro kaminda 5 hobmer a sekuestra un dama kolombiana i a mara su kas i nan a bai ku droga i tambe pertenensianan for di e kas i a bai ku e dama aki i na e apartamentnan di chino nan a maltrate i a kima e dama ku heru di strika

 

Luna di april varios asesinato

Dia 5 di april polis a bin topa ku e kurpa sin bida di un homber  benta den e mondi di Tam patras di zwembad na Rif. A bin saka afo ku ta Jan Henriquez . A detene 2 homber entre otro e homoseksual Estoy. A laga nan bai despues.

Dia 6 di april Korsou a keda di shok ora ku mainta polis a bai na e adres Bajonetstraat djies patras di antes Hardees i den e hanchi Bajonetstraat a bin topa net na e entrada un homber benta abou i no ta duna senjal mas di bida. Ta  trata aki di Darel  Puriel kende a risibi herida di bala. Mas den e hanchi a bin topa ku otro kurpa sin bida ku herida di bala i tambe garganta mal korta. E viktima aki ta Udemar Roberto . E ta ruman ohochi i e ta yu di e konosido Wyper.

Mesun anochi banda di algu pasa di 8 or polis a bai pa otro kaso  di asesinato ora ku a bin topa ku un homber benta riba rooseveltweg prome ku yega alves.  Algun meter for di dje ta tin su brommer. E viktima ta  tin yen herida di bala. Ta trata aki di Gerwsin vicento Marquita

Habientantenan dia 9 di april a bin topa kurpa sin bida di e homber Utu Sophia ta drief den un dam na Soto.

Otro morto den trafiko  na altura di santa rosa weg Barboquet ora outo a alkansa e homber David terense Martis i e viktima a fayese na e sitio mes

 

Luna di mei

Den e luna aki nos a konose otro morto mas den trafiko ora ku chofer di un outo a perde kontrol na altura di  Pannekoek ia e dama a bin fayese na e sitio. E viktima a resulta di ta Denice Giomaris Daal . E a fayese na e sitio mes.  E otro okupantenan a ser hiba poli. Polis den e investigashon aki a bai tira inval na un wikenthuis kaminda e viktima ta keda i aki a bin detene un homber i a konfiska arma di kandela.

Bon trabou di polis di BNO, a bin detene  riba un tip un gran total di 6 persona i a konfiska 43 paki di kokaina na Caracasbaai

Varios morto den trafiko

Korsou den e luna aki ta konose otro morto den trafiko Esaki a sosode na altura di Krus Kora na Parera fokkerweg. E chofer ta un homber ulandes kende pega sonjo tras di stuurwiel

Otro kaso di asesinato ora ku polis a bai na un negoshi ku ta situa riba e kaminda sin nomber kual taesun  naalutra di Souax i ta sigi pa Hato. Riba stupi di e negoshi a bin topa ku e kurpa sin bida di e homber Eric Albert Schoop. E kurpa ta sefta ku bala.

Polis a bai tira entrada hudisial na un kas den koraal specht i den e kura a bin deskubri den un kouchi di kachi un mitraleur ...pues un arma automatiko.  A detene dos homber.

Den e luna di juni ta tin atrako grandi na un joyeria na Samira Building . Aki atrakadornan a bai ku varios prenda i nan a menasa hopi hende.

Morto den trafiko

Esaki a bin resulta den e kaya di Andres Belloweg kamidna motorsiklista a eprde kontrol i bai kai den e rooi ku ta keda den e bogt i ela dal su kabes kual a bin kondusi na su morto. Ta trata aki di Leone Sefeino Mosalve Mejia

Dos dia despues di e morto den trafiko aki, Korsou ta konose un otro morto mas den trafiko. Esaki a tuma luga riba Arrowakenweg. Aki un jeep a bula sali dilanti di un motorsiklista i a benta esaki for di e motorsaikel. E viktima a risibi varios sla su kurpa i den kual a bin kondusi na su morto

Korte a duna sentensia den kaso di atrako i violashon

Wes a dikta sentensia den e kaso kaminda 2 homber a menasa un pareha i a bai pin ku nan i sekuestra nan i viola e pober damita.  Fiskal a pidi 12 aña i wes a bai di akuerdo sin kita i pone. Pues 12 anja pa e jaimikino Dwane clifton Crewe i e homber Stephen Isak Hook.

Prokurador General a pidi 20 anja i 11 luna pa e kaso kontra  di e homber kende ta e sospecho major dene kaso di pastor Montoya.

 

Luna di juli

Den komienso di luna di juli polis a bai na e apartamentunan ku ta situa na Van leeuwenhoekstraat na Mundo Nobo, schuin enfrente di Johan Maurits school. Nan a bin topa ku un dama benta abou tur na sanger. E no tabata duna senjal mas di bida.

Den un banjo a bin topa ku un otro dama kende ta tin varios hinka na su kurpa i a transporte pa poli den estado kritiko. Tambe a bin tuma nota di un homber kende un bewaker i un otro persona tabatin abou pone. E tambe ta tur na sanger i ta tin un hinka. A bin resulta ku ta e hoben studiante aki a mata e otro studiante i a hinka e maestra algun hinka peligroso. A detene e tipo aki. Ela ser trese dilanti mesa berde kaminda a bin deklara e homber aki loko.

Dia 18 juli un homber para riba un seru pega ku Bapor Kibra a kumisa ta basha bala riba un patruya di polis. Esakinan na nan turno a ressponde  bek .A yama mas patruya enbuska di e pistolero, pero no a bin topele.

Durante kaso di atrako riba 18 di juli atrakadornan a herida chines na Indju minimarket.

 

Luna di augustus varios atrako i asesinato

Dia 3 augustus polis a bai na Berg altena pa un kaso di bashamentu di bala kamidna dos homber kende basta dia ta ti pleitu ku otro a basha bala riba otro.

Un homber a keda likida ku un bala den kabes.

Dia 5 di augustus ta ti toro kaso di tiramentu ku a tuma luga na un snek na santa cruz. Aki yu di e donjo kende ta tin pleitu ku dos homber a Sali i basha bala riba nan. Dos homber a keda herida i a detene e yu di e donjo di e snek

Otro kaso di atrako dia 21 augustus na Domino Pizza riba rooseveltweg.  Aki dos tipo a drenta i menasa i bai ku tur plaka i ora nan a Sali nan a bin topa ku e bewaker i nan a losa bala riba dje i herida e homber grandi aki na su pia.

 

Djadomingu dia 21 augustus Korsou ta konose otro kaso di asesinato

Den kareda di 8 or di anochi  polis a bai na Ecuador weg kaminda a bin topa ku un dama benta den plas di sanger i no ta duna senjal mas di bida. Tasina ku ta su kasa lo a kore su tras i e viktima a trata di yega na e kas aki pa buska judansa pero no ta tin hende pa judele i aki e homber a alkanse i propine varios hinka den kual e dama a fayese na e sitio i ela laga tres yu atras kual un tin 7 i e otro 3 i u n baby di 8 luna.

 

Luna di september

Otro kaso di asesinato dia 5 di september ora ku polis a bai na seru fortuna pa ser eksakto Kaya Castelatus kaminda a bin topa ku e kurpa sin bida di un homber . Tasina kui ora ela jega kas ela keda soprende pa dos tipo den un outo kendenan a kore i basha bala riba dje.

 

Hobensito ta risibi bala sinta den su kas na Souax ora ku deskonosinan a pasa basha bala riba e kas

07 september, pleitu entre famia ta termina den tiramentu riba otro. I e homber RF a risibi herida di bala.

 

Hobenan di skol ta bringa i ta hinka otro na un VSBO na mahaai. A detene e tipo agresor i e viktima a ser hiba poli

Den 12 september  un dama grandi i hobensita a drenta den banjo di un restaurant chines bou di viadukt na otrabanda i ora nan a Sali , e empleadonan a bin topa ku un baby resien nasi benta den e potchi di w.c.   polis ta enbuska di e mama di e kriatura aki

Dia 12 di september ta tin kaso di bashamentu di bala den prison. Aki un presu di virgin island i ku ta sinta un kastigu basta grandi di mas ku 18 anja a tira riba dos presu. Esnan ku a resulta herida ta e presu Kani kende a risibi bala na braza i wowo. Un otro presu tambe a keda herida.

Dia 16 di september polis a bin topa un hoben ku dos herida di bala  den juan hatoweg.  E no a duna un bon pakiko ta ken a tirele.

Polis i aduana a logra intersepta un lote grandi droga ku ta rumbo pa bai st.maarten. ta trata aki di kasi 90 kilo di kokaina

 

Otro bashamentu di bala den bario di Koraal Specht. Den kaya mochila deskonosinan  a pasa i basha bala pero no ta tin persona herida. 

Dia 22 di september Korsou ta konose otro kaso di asesinato.Tabata den ora di marduga ora ku un homber ta den diskushon ku un dama na e restaurant riba hispanolaweg. I ta aki ku un otro homber a bin mete i a saka arma di kandela i tira e otro den u pechu. Esaki na su turno a kore ku su outo i a bal dal ku esaki . Ela fayese na e sitio. Ta trata aki di e instrumenten drager di ERA kende ta Henry Pedro Rosalina. 

Dia 23 di september  korsou ta konoes otro morto den trafiko i esaki a sosode anochi pa mas o menos 10 or di anochi. Ora ku un dama ku ta maneha su outo i ku gran velosidat a perde kontrol i a bin dal. Debi na e impakto ela hanja basta sla i ela bin fayese na poli. Ta trata aki di Darlene Martines i asina bira e di 16 morto den trafiko di korsou

 

Luna di oktober

Dia 2 di oktober Korsou ta registra otro morto den trafiko, den area di Rooi Santu. Shofur di e outo a bai kore riba su kontra man i a bai dal den un bus. E impakto tabata fuerte i ela bin fayese. Ta trata aki di Francis Felix Kwidama.

Otro kaso di tiramentu na Maastrichtstraat

Tabata dia 4 di oktober ku polis a bai na Maastrichtstraat pa un kaso di tiramentu. Aki a bin topa ku e homber di fam Kani i e ta tin herida di bala na su banda drechi di garganta. Ela deklara ku ta dos tipo a blo riba dje ora ku ela jega kas. I a kumisa basha bala riba dje.

Korsou ta konose otro morto den trafiko

Tabata dia 5 di oktober mainta trempan ku polis a bai na altura di Fuik i a bin topa ku un homber benta riba kaminda i no ta duna senjal mas di bida. Tasina ku chofer no a mira ku e homber ta benta abou i ela pasa trapa e viktima. Ta trata aki di Otmar Pedro Martines Paula

 

Otro kaso di asesinato dia 15 di oktober

Polis a bai merdia na e barbershop ADO DEN HAAG pa un kaso di tiramentu.Nan a bin topa ku un homber drumi abou den e barbershop i no ta duna senjal mas di bida. Tasina ku dos tipo a drenta den e barbershop aki i a los bala riba dje i herida e homber aki mortalmente . E viktima ta Aldrin Ramon Kani.

 

Korsou ta konose otro morto den trafiko dia 15 oktober

Tasina ku un hoben chofer a perde kontrol i boltu ku u outo i dal esaki den palu. Debi na e impakto aki ela risibi hopi sla i ela bin fayese na e sitio. Ta trata aki di Edrix Eufracio Jamaika

Varios detenshon den kasonan di asesinato pa loke ta trata e gera di koraal Specht. A bin dentea un homber kende ta ser sospecha di a tira Kani mata. Tambe na St.maarten a detene e tal Nuto Wawoe.

Luna di november

 

Kaso di tiramentu for di Bonam weg i gosieweg i a paralisa trafiko kompleto. Polis ku a bai a bin tuma nota ku ta un douane a los bala riba un tipo kende a dal den su outo i kore bai. Ela persigi e homber aki e ta los bala pa loko.Polis a detene e douane aki .

 

8 di november otro kaso di asesinato na korsou

Tabata den oranan di anochi ku polis a bai na altura di un mondi ku ta keda na shoot. Aki a bin topa ku un kurpa sin bida i ku yen perforashon di bala. Tambe polis ta investiga e kasio kaminda tin un otro homber estilo rasta ku ta perdi. E viktima ku nan a hanja sefta ku bala ta e hoben Charently Desire Johan Martina.

 

Dia 13 di november korsou ta konose otro morto den trafiko

Tabata ria santa rosa weg ora ku dos outo a dal den otro. Aki u di okupantenan a keda mal pega den outo i a risibi varios sla. Ta trata aki di Shurandy Zimmerman kende a perde su bida tragiko

Den e luna aki tambe deskonosinan a manda un handgranaat den kura di un kas na kaya chi ku cha. Habitante a kwe zwaai esaki pafo. A manda buska eksperto for di eksterior pa desmantela e handgranaat.

 

Dia 23 di november homber ta bria malu tras di stuurwiel i perde kontrol i dal den muraya di Chephacu ku ta keda na Roodeweg,. Ela bin fayese debi na e slanan ku ela risibi.

 

Luna di Desember

Polisnan a  logra desmantela gang den droga ora ku a bai na kas na Barber i a bin topa ku hopi droga

 

Tambe a bin dal den un duo ku ta sinta na koredor i durante kontrol a bin hanja un kantidatr di 100 kilo di droga. A detene nan i a tira entrada hudisial na kas den Esperansa weg i aki a hanja varios atributo pa prosesa droga. Na Zaantjessteeg a bin topa ku droga, i tambe  un arma potente un Uzi .  A detene un dama na e kas aki.

Otro kaso di asesinato na Korsou dia 7 december

Tabata den oranan di mareduga ku polis a bai den kanga pa un kaso kaminda a bin topa ku un dama drumi den kaminda den un plas di sanger. E viktima ta tin varios hinka na su kurpa i no ta duna senjalnan di bida. Ta trata aki di Zenaida Maria Marchena.

Otro kaso di asesinato dia 15 ora ku polis a bai na cubaweg anochi pa un kaso di atrako. A bin topa ku e viktima un homber kedne a deklara ku e i su kasa ta bai hasi un wega di seks poko stranjo i ku su kasa a mare i tapa su kara.Ela sinti un homber riba dje ku ta trata na choke i hinke ku un kuchu. Ela logra kita kuchu i propina e homber aki algun hinka. Despues e mes a bai skonde den banjo i jama polis. E dia siguente a bin topa ku un homber den un plas di sanger i no ta duna senjal mas di bida bou di un palu. Ta trata aki di e homber kende a drenta den kamber i ta ke a likida donjo di e kas.

A detene e dama tambe kasa di e viktima pa mas investigashon

Morto den trafiko

Korsou ta konose otro morto den trafiko den e ultimo siman di desember. Esaki na momentu ku un dama kende ta sinta den un SUV. Na dado momento e vehikulo aki a risibi un impakto asina fuerte debi na un outo ku ta bin bela jen nan tras i a dal den e parti patras di e outo ku e viktima ta aden. Esaki a pone ku e outo a bai boltu i saka e viktima for di e outo. E dama a kai i risibi hopi sla i a bin fayese despues. Ta trata aki di yu di Anita di Brandweer. Un dama di 28 anja di edat. E ta bira e di 21 morto den trafiko.

Asina aki tambe nos a resumi e notisianan di Polis mas importante ku a pasa na Korsou.

 

 

 


0 reacties op dit artikel
uw naam
uw email
Anti-Spam code
 moLn2245
Vul hier de anti-spam code
   
Sitemap
Notisia Rapido

Home
registreren
login
contact
Privacy and Cookies statement
Notisia Rapido Rubriken

• Lokal (3192)
• Aruba (1478)
• Ulanda (2438)
Notisia Rapido Extra
Notisia Rapido Social Media